مشكلة مع المدرسة

هاااااااااااي

اني عندي مشكلة مع المدرسة اكتبها ليكم تحلوها لي


بااااااااااااي

ما هي المشكلة؟!!!

ننتظر

.........

ابو مصطفى كتب:

دمعة كتب:هاااااااااااي

اني عندي مشكلة مع المدرسة اكتبها ليكم تحلوها لي


بااااااااااااي

سلامون عليكم بنتنا دمووووعه
عيل احنا حاطين هذا القسم لويش من حقك تسألي وتحطي مشكلتك حتى لو كانت مشكلتك مرحة مثلك ما عندنا مانع وانشاء الله نقدر نساعدك فيها الأعضاء ما بقصروا بعد
عمو
أبو مصطفى

ايه لازم اسال لان اذا ماسالت مااصير لبيبه اقصد حبيبة يووووه دمعة حبيبة مزحة

المهمم يعنو المشكله هي عويصة وطويلة ويبغى ليها حل من عندكم اصحاب الحلول لانها عويصة

المدرسة مااشتهيها ابدا اروح غصبا عني العام لما كنت في متوسط احسن من السنة صاكين علينا حتى مايبغونا نتنفس من قول حاجة قالوا سكتوا يابقر وسكتوا يا بنات شوارع وكلام منحط ماادري من وين جبتها هالكلمة كاني استلفتها من قاموس ، ويكفي متحملين فصولها الصغير اللي مايمدي نمد رجولنا طلعنا بره الفصل واذا بنوقف نجاوب يزيحوا ورا عشان نعرف نوقف

واللي يحرق القلب تصرفات المعلمات ويانا تقول احنا جهال ياغبيه ويامهملة وتنظفي وغيره
ومن كم يوم قومتني معلمة العربي في الادب طلعي صورة بيانية من البيت وهي ماححدت يوم جاوبت قامت تهدر اتكلم ليكم فارسي وتسووا روحكم صمخان لو نت لو تلفزيون اندليتوا الطريق


كل يوم بكتب شوي من اللي يغثونا به
اللي جتها حالة نفسية من تعاملهم الزفت واللي طلعت خايفة على عمرها وماابغى يجي الدور علي

بااااااااااي

هل هذه مشكلة يا دمعة ولا قصة
هههه اسف
المهم انا عندي الحل
كل يوم راجعي واذا رحت الى المدرسة صيري منتظمة ومهذبة اهتمي بامور دينك صيري متقية
انا الجنة اعدت للمتقين
الحمدلل اشكري الله كل ساعة صلي على محمد واله محمد واذكري الله والموت وكلهذي الاشياء عضيمة
اقري طلاسم قصد سحر مادريلا قصدي
طيع ابوش و امش(انا مو قصدي يعني انتي ماتطيعي ابوش انا قصدي زيدي في الطاعة واهتمي بالوالدين)

الان دور الاخصائيين الي مثل ترنيم واحمد ال سعيد وغيرهم
وهناك اعضاء سيسجلون وهم اخصائييون نفسيون او سلوكييون او غيرهم الله اعلم

والله اعلم

عزيزتي

المدارس اكثرهم كذا
المعلمات ماعدهم شهادة تربوية
حدهم ياخذوا في الجامعة المادة العلمية
عزيزتي
لا تنتظري شي من أحد

تدري أنا عانيت يوم كنت في المدرسة مثلك
ولا
واكثر
متخيلة انه حتى البنات أذوني من حياتي
يتمسخروا على شكلي رغم اني احلى منهم بألف مرة بسس لأنه هذا نقص في ذاته

ويتهامسوا اني مريضة نفسيا
يعني ثقت بنفسي دمرت
واني مستواي في المدرسة ما كان داك الزود
كرهت المدرسة كنت اصيح ابغى الاهل يغيرها لكن لا حياة لمن
تنادي
تعبت نفسيتي
لدرجة انه وزني نقص 21
يعني صرت رشيقة
ههههههههه
معاناتي مع البنات من ابتدائي لثنوي متخيلة
تدري كنت لما اقص هذه القصة على احد كنت اصيح
واحين اضحك
وبعدين الحمدلله
جبت معدل زين يمشي الحال
انتي كملي اهم شي مستقبلش اتحدي المصاعب
ركزي على دراستك
الحمدلله
انا دخلت الجامعة وحققت ذاتي
وصار معدلي ممتاز
للعلم اني ماجبت الممتاز في المدرسة
وجبتها في الجامعة
لا تنتظري
أحد
أوقفي بنفسك واصعدي خطوة خطوة
والحمدلله
انا احسن منهم بألف مرة
المفروض ان يكون هناك ورش تدريبية تربوية تعلمهم كيف
يتعاملوا مع الطالبات
بس للاسف ما في وعي
والناس تتراجع
انتبهي لنفسك حبيبتي
ترى ماحد بينفعك في الحياة غير شهادتك
حتى لو ما توظفتي
بتكوني حققت ذاتك وكيانك

تحياتي
شكلي غثيتك بمعاناتي
بس كان لي هدف اني اقولها لش

اختي مازلت احترقت كلامك يريح واختي بنت ابيها عانت واجد زيك يعني فيكم شبه من بعض

واني درست فيها بصراحة وتخرجت بامتياز والحمد لله والبركة في مساعدة بنت ابيها لي في المدرسة والحين في الكلية

مع ذلك فيها معلمات تمام وينحطوا على الجرح يبرى وفيها ناس يادافع البلاء يالله

دمعة

أنا معك في ان في بعض المدرسات مو الكل طبعاً لش عليهم شوي وعلى تصرفاتهم ..

وبالطبع هالشيء يضايق ..

عندنا معلمة تتعامل معانا بنفس الإسلووب

ولما راحوا اليها بعض الطالبات وسألو عن سبب تعاملها معنا بهذي الطريقة ..

اتفاجأنا من ردها ..

تقول الي عانينا منه واحنا صغار من مدرساتنا

جا الوقت ان احنا نطبقه عليكم ونعاملكم بنفس الأسلوووب
>>>>> يعني كأنها تشفي غليلها

وفي الأخير من الضحية ..؟!

الطالبات من غيرهم

الله يعين اتحملي كم السنه الباقية عليش والي فيه خير اسويه رب العالمين ..

وإذا كان فيه مجال اتقولوا للمرشدة الطلابية لاتترددوا ..


تحياتي

عزيزتي دمعه
حاولي انك تحببي نفسك في المدرسه
يعني دوري الاشياء اللي تخليك تحبيها
ولا تبحثي عن مساؤها
اتخدي من المدرسه شيء ممتع اذا كان عندك فيها صديقات
يعني راح تلتقي بصديقاتك )انتي عشانك في مرحلة جديده يمكن متلخبطة عندك الامور )
بس مع الوقت شوي شوي راح تتكيفي معاها
ويمكن مدرستك المتوسطه كانت احلى فتحسي بالنقص في المدرسه الجديده
انتظر منك انك تقولي تأقلمتي مع المدرسه الجديده وحبيتيها
تمنياتي لك بالتوفيق والنجاح الدائم
اختك ام محمد