اللي يحب الامام علي(ع) ويقدر يشارك خل يدخل ولا يقصر

عبد الحسين خلف الدعمي :
أنا عاشقٌ والعشقُ يَسري في دَمي
واللهُ يشهَدُ ما بقلبي فـي فمي

أنا عاشقٌ مَنْ للمعاجزِ آيةٌ
وعَلى فُتاتٍ عاشَ كـالمُتنعمِ

ليثُ الهواشِم سَيفُها إن أقدمَتْ
وكتابُها إن أحجمَت عَن مقدَم

في العرشِ قد نقشَ الملائِكُ اسمهُ
مِن قبلِ أن تسري الحياةَ بآدَمِ

بالحقِ بابُ مدينةِ العلِم اغتدى
ولحربها سيفاً شديدَ المعصَم

ركبَ المنايا في الحياةِ كأنَهُ
للموتِ يَمضي ساعياً كالمُغرَم

قَد قالَها عمر وفي حَقِ الذي
لولاهُ مامُدَ البساطُ لمُسلِم

لولا عليٌ هالِكٌ عمرٌ وَما
دانتُ لَهُ الدنيا بثغرٍ باسِم

مَنْ بالشَجاعةِ مِثلُ حيدرَ خَيبرٍ
قَد رَدَ مَرحبها خَضيبا بالدَمِ

مَنْ شمس هذا الكون قد ردت لهُ
وسقى رؤوسَ الكفر كأسَ العَلَقِم

مَن بانَ في محرابهِ مُتخِشعاً
وُهوَ الأميرُ يَئِنُ كالمُتَظِلم

خَشِنُ الثيابِ قضى الحياةَ تقشُفاً
والتبرُ بينَ يَديهِ ما قال أغنمِ

هُوَ للرعية والدٌ لا حاكِمٌ
نَهجُ البلاغةِ فهوَ خيرُ مُعَلِمِ

مَنْ مِثلَهُ يا مَنْ أراكَ مُصفِحاً
كُتُباً عَليٌ مالَهُ من تؤامِ

هُوَ في البلاغةِ نَهجُها صَعبٌ على
مَن لم إلى نبع الرسالة ينتمي

لشاعر جابر الكاظمي
يا يوم أشوف أعتابك

يا يوم أشوف أعتابك و أوقف حزين ببابك(و ارجع أزورك يا حيدر و ارجع أزورك)
طوّل علي غيابك مشتاق أشم اترابك(و ارجع أزورك يا حيدر و ارجع أزورك)
آنة الهويتك لتظن نسيتك
*******
علي و هذا الاسم يسري بشراييني نبع يالماتمل شوقك يراحيني
عتب وياك عندي راوح بعيني يمن فرقاك كدّر صفوة اسنيني
اريد احجي بصراحة وياك خليني أخاف مكدرات الجو تنسيني
ياابا الحسن ما تدري صرت اشتريها بعمر(شوفة ضريحك يا حيدر شوفة ضريحك)
من الفرقة نافذ صبري و ظلت تعيش بفكري (شوفة ضريحك يا حيدر شوفة ضريحك)
بروحي اشتريتك لتظن نسيتك
*******
عشت أعوام يمك يا ربيع الحي انة مااعوفك جنت مثل الجرف و الماي
لو صرت بهجير اقصد الك يافي و لو ليل الوقت دلهم أشوفك ضي
غصب من جنتك طلعوني أهل الغي و خلوني اظل لا ميت و لا حي
من جنتك حرموني برجوة أمل خلوني(كل فكري يمك يا حيدر كل فكري يمك)
عنك غصب بعدوني امشي و أدير اعيوني(كل فكري يمك يا حيدر كل فكري يمك)
عشت بثنيتك لتظن نسيتك
********
موبيدي غصب عفتك ياابو الحسنين و عنك رحت اتلفت و ادير العين
قلت عالفرقة بالميت شهر شهرين طالت يا علي لا سنة و لا سنتين
أناشد عالصبر ما ادري دربة منين خذن ثلثين عمري مخلفات البين
دنياي نفرت عني و حتى الصبر مل مني (مشتاق أشوفك يا حيدر مشتاق أشوفك)
أغفى بوسادة ظني و أصحى على دمعي و وني(مشتاق أشوفك يا حيدر مشتاق أشوفك)
يا مانخيتك لتظن نسيتك
********
البعد شيبني يا من فرقتك كلفة و جرح شوقي غميج و ماوقت نزفه
ليالي الظيم باقن بسمة الشفة و اسنيني انقضت بالحسرة و اللهفة
لاجن بعده الأمل بالروح مايخفى و أحس روحي بعد هالهلوقت ترفة
من عيني ينزف موحي و آنة بترافة روحي(أرسم خيالك يا حيدر أرسم خيالك)
هالحبر دم جروحي و صرت بصيحة نوحي(أرسم خيالك يا حيدر أرسم خيالك)
بروحي لقيتك لتظن نسيتك
********
بخيالك عايش من سنين و أتحسر و لا أدري مصيري شلون يا حيدر
صرت ما أشعر بطعم البرد و الحر و إذا نسمة هوا تزاحمني أتكدر
جمر ظيمي بصميم احشاي يتوجر و بعيني غدت عبراتي تتكسر
ما عندي غفوة بنومي و لا صحوة تجلي همومي(حيّرني بعدك يا حيدر حيّرني بعدك)
مامش سعد بنجومي و لا فرحة تسعد يومي(حيّرني بعدك يا حيدر حيّرني بعدك)
ترحمني ريتك لا تظن نسيتك
*******
يا وهجة عشق ناغت خلايا الدم و إخلافك عمري ذرة و ضايعة بمنجم
بغيرك شمل روحي مابعد يلتم يبو الحسنين أنت الجرح و البلسم
يا يوم اوصلك و اكشف سحاب الهم و انفض يم ضريحك كل غبار الهم
يا يوم اصل يم قبرك و انصب مناحا بكترك(و أبجي المصابك يا حيدر و ابجي المصابك)
يالماصفا لك دهرك اذكر مرارة صبرك(و أبجي المصابك يا حيدر و أبجي المصابك)
و اذكر رزيتك لا تظن نسيتك
********
أتمنى مثل هاليوم جنت هناك و أجدد يم ضريحك هالعهد وياك
و أنصب مأتك على امصابك و أنعاك و اون ون الثكالى لفقدك و فرقاك
لا جن ما نسيتك عايش بذكراك ضميري من البعد ياابا الحسن ناداك
بين الدمع و الحسرة اذكر لهيب الطبرة(يصعب مغيبك يا حيدر يصعب مغيبك)
من عيني تجري الدمعة و بين الجوانح جمرة(يصعب مغيبك يا حيدر يصعب مغيبك)
بالهم بجيتك لا تظن نسيتك

حكم الإمام علي ( عليه السلام ) القصار

قال ( عليه السلام ) : ( القريب من قرّبته المودّة وإن بعد نسبه ، والبعيد من باعدته العداوة وإن قرب نسبه )


قال ( عليه السلام ) : ( البخل والجبن والحرص من أصل واحد ، يجمعهن سوء الظن بالله تعالى )


قال ( عليه السلام ) : ( البخل والجبن والحرص من أصل واحد ، يجمعهن سوء الظن بالله تعالى )

قال ( عليه السلام ) : ( تجنّبوا الأماني فإنّها تذهب بهجة ما خولتم ، وتصغّر مواهب الله عندكم ، وتعقبكم الحسرات على ما أوهمتم أنفسكم )[/list]