ساعدوني واللي يرحم والديكم

السلام عليكم ورحمة الله وبركاته
انا تعبانه جدااااااااااااا من حالتي ولما شفت هالموقع سجلت فيه على طول قلت يمكن القى حل حق مشكلتي
انا عمري 26 سنة مو متزوجة ولا عندي وظيفه ولا ادرس ولا اسوي شي بهالحياه
مشكلتي بدأت من قرابه عشر سنوات
فيني هوس نتف الشعر
اناجالسه اقطع
وانا نايمه اقطع
وانا مبسوطه اقطع
وانا زعلانه اقطع
صرت شبه صلعا
ابغى اهون مو عارفه كيف
تعبت والله تعبت
وصرت مسخره للجميع الكل قام يتطنز على شكلي لما احط ايدي على راسي او لما يشوفون جادة راسي تبين
لاتقولون لي اشغلي يدك ببشي انا ايدي على طول فيها شي واترك الشغل واقطع
الوقت الوحيد الل ي مااقطع فيه هو وقت الاكل لاني مااحب المس شعر والمس اكل
وانا اكتب الموضوع لكم ايدي ارتفعت على راسي وقطعت
والله مليت وتعبت وشكلي صار مقرف
والادهى والامر انه من قرابة سنة صرت اشيل الشعر الصغير الجدلد اللي ينمو بالملقط يعني كملت اشيل الشعر الطويل بيدي اقطعه واللي مااقدر عليه اشيله بالملقط
استغفر الله العلي العظيم
احس فيني خبال على الحاله
ليت حد يقول لي حل
واذا نجح الحل راح ادعي له من صميم قلبي

الله يعطيكم العافيه

تحياتي