اللهم صلِ على محمد وآل محمد
كيف الحال؟؟
ممكن تساعدوني بخصوص معاناتي مع ولدي ؟؟
ولدي عمره 16 في اول ثانوي وطبعا بدأت مراهقته
في هالأيام صار يجلس على الأنترنت لمدة طويلة على 24 ساعة تقريبا
ولما ننصحه ونقوله : ريح عينك وخل الابتوب عنك وقوم ذاكر دروسك
مايسمع الكلام ولا يرضى يتركه واذا بغى يسكتنا راح وجاب كتبه وعين في كتاب وعين في الشاشة
وفي الغالب انه يحقرنا او او يقول : انتوا تعايروني لو بغيت اجيب لي لابتوب خاص بي جبت وانا مو محتاج لشي من عندكم
واحنا الحمد لله مو مقصرين معاه بشيء
و مره من المرات عاقبناه وشلنا الابتوب عنه وخفيناه وما نفع
قام يقولنا انه مايبذاكر ولا بيروح المدرسة اذا ماطلعناه له
و عفس البيت عليه يدوره
و مره شرطنا عليه بس ساعتين في اليوم او مدة معينة وبعد مانفع
مع العلم ان ابوه يتفاهم معاه بهدوء ومايضربه وانا بعد
وكل هالطرق مانفعت معاه ؟؟ وانا صراحة ابي حل
مدوخني واااايد هالايام و خوفتي عليه وانتوا تعرفوا هالجيل
ياليت تسااعدوني وتقولوا لي شلون اتعامل معاه
واااكيد راح اكون شاكرة لكم
تحياااتي لكل القائمين على هذا المنتدى