[size=16]يالله أخواتي خلونا نكمل
طبعا للحين أحنا في الأعمال البسيطة اللي تعتمد معظمها على الورق والمناسبة لعمر ال 4 سنوات وما فوق
اليوم نتعلم كيف نسوي للأطفال دمى من الأكياس الورق على شكل حيواناتهم المفضلة
كل اللي تحتاجينه
أكياس ورق ( مثل اللي في الصورة - بني أو أبيض أو حتى ملون على حسب الشكل اللي اختاره طفلك
مقص - غراء ( صمغ ) - ورق ملون بألوان متعددة - أقلام ملونة - وعند الرغبة عيون ( تباع في محلات القرطاسية - متحركة )
الطريقة
* أطوي الطرف المغلق من الكيس بهذه الطريقة
بعدين اقطعي جزء مثل المحدد باللون الأحمر ليشكل رأس الحيوان
بعدين هنا تجي شطارتك تقصين أشكال من الورق الملون تمثل أطراف الحيوان وتلصقيها باستعمال الصمغ وترسمي العيون أو تلصقيها وهنا بعض الأشكال اللي تقدرين تسوينها للطفل بنفس الطريقة ( حلوة في حفلات الأطفال مثلا يسوون مسرحية شخصياتها من الحيوانات وكل واحد يأخذ شكل ويحركه بعد ادخال يديه في الكيس )
ها أيش رايكم في الفكرة الجديدة ؟؟
يالله خلونا نشوف هالفكرة الجديدة وهي مثل الأفكار السابقة يعني مواد بسيطة ومتوفرة وتناسب المراحل العمرية الأولى
الأدوات
صحن ( الحجم على حسب مقاس رأس الطفل )
مقص
ورق ملون
صمغ - غراء
الطريقة
* اقطعي الصحن بالشكل الموضح في الصورة تاركة مسافة بين حد القطع وحافة الصحن حوالي انش واحد
* لوني حسب الرغبة واثني القطع المقصوصة الى الأعلى حسب الشكل الموضع
* على الورق الملون ارسمي الشكل المفضل لطفلك وقصيه
* لصقي الشكل المقطوع على أطراف التاج
زينيه حسب الرغبة
انشاءالله تعجبكم الفكرة
هالعمل ينفع الأطفال من عمر الخمس سنوات وما فوق وهو عبارة عن اللوحة اللي نعلقها على الباب مثل اللي نحطها على باب غرفة في الفندق ومكتوب عليها مثلا ممنوع الازعاج بس هالمرة راح نكتب عليها اسم الطفل ونرسم له صورة
الأدوات
ورقة كرتون مقوى باللون المفضل
ورق الفلين الخفيف الملون
صمغ ومقص
عيون متحركة ( متوفرة في محلات القرطاسية )
الطريقة
سهلة وواضحة راح نكتب اسم الطفل على قطع الفلين ونقصها
بعدين ترسمي شكل الطفل ( كرتوني ) يعني شخص يشبهه في لون الشعر ولون البشرة وشكله العام ، بعدين ترسمين شكل يفضله الطفل مثلا أشكال كور للأولاد وقلوب وفراشات للبنات
وبعد ما تقصين هالأشكال كلها راح تلصقيها على قطع الورق المقوى وتخليها تجف لفترة وتعلقيها على غرفة الطفل
عمل جديد وسهل
قلعة من الكرتون
كل اللي راح نحتاجه هو كرتون فاضي ( كرتون ماي الصحة مثلا )
أقلام تلوين
مقص
* أول شي ازيلي أحد أجزاء الكرتون يعني الطرف السفلي او العلوي حتى يظل عندك كذا
* قصي قطعتين مستطيلتين من وسط الكرتون بالشكل هذا
* أرسمي أجزاء تمثل قمة القلعة بنفس هالشكل
* بعدين افتحي فتحة تمثل الباب
* وافتحيه من ثلاث جهات واتركي طرف رابع ثابت
بعدين خلي الطفل يلون بالشكل المرغوب ويلعب فيه مع أخوته سواء بحيوانات أو أي لعبة اخرى
ان شاء الله تعجبكم الفكرة وتنفذونها
[/size]
بسيطة صح ؟؟