اليوم جاشت قريحتي بهذه القصيدة بعد انقطاع طويل عن الكتابة الشعرية والنثرية والاكتفاء بكتابة الخواطر
أسميتها
مرتي مره مطوره
تتكلم عن حال نساء هذه الايام وحياتهم الزوجية
أرجو المعذرة ولكنها تشكو لسان حال الاغلبية
أبي رأيكم وأقتراحتكم النقدية والبنأه
مرتي مره مطوره
رن الجوال و طلعت تركض ويش هالمسخره
ما كنها حرمه كنها ريال ولكنها مو مشوربه
الكحلة ممتدة من العيون والشفايف بره محمره
من مرت كل العيون عليها كنها منظرة
تمشي وهي تبمبع في ذاك التليفون كنها بقرة
كلامها ما ينفهم بسرعة تتحجى كله بربره
اذا جلست في مجلس قالت فلانة ماتت والفانية مطلقه
عبايتها مو عباه تمشي وهي مهدوده كنها صخلة مو مره
لاهي على الراس فيها خير ولا على الكتف فيها بركه
من ترجع من بيتهم ما ترجع الا نصايص الليل وتالي تقول مكسره
من صالة لصالة كنها عروس مزينة ومعدلة ومعطره
لولا الحيا كان رميت عليها بفلاتيه كم بمبره
لو يسألها رجلها وين بتروحي يا مره ؟؟
كان جاوبت ذاك الجواب اللي يبهدله ويمرمره
ما كنها مره كنها رجال تقبض الراتب بيدها وتبعثره
ولو تقتنع وتتعظ كان من زمان قامت تصلي لربي وتشكره
ما عندها غير التعير في ذاك الرجل من أخذتك عشت عيشة محسره
مريموووه ، نرجسوووه ، وياسمينوووه من طائره لطائره
وأنا حسرة عليي لا فله جميلة ولالالالا ، السيارة حالتها حالة مكسره
إذا ركبت مع السايق مشغولة بديك المنظره
وديك الشنطه بيدها تبعثر فيها المكياج وتدور على ذيك الديرمه
واذا كلمها رجلها بكلمة ردت عليه بعشره
حشى حشى هذه مو مره ، هذه باربي بس مطوره
ويلي على ذاك الرجل يندب حظه ويذكر أمه المستره
اللي كانت تجلس من قبل الآذان وتصلي لله وتشكره
وتغسل وتكنس وتطبخ وصوتها أبد والله ماترفعه
ألحين إذا قلت لها شي قالت هذه هي الحضاره
هذه الحضارة يا مره أخرتها مصيرش يودوش عالمقبره
نصيحة من قلب مقهور وجبد متفطره
لاتتعب روحك يا رجل وأحقرها عنك سنة وعشره
وخذلك بدالها مره سنعة تعيش وياها مكرم وصوتها عليك ماترفعه
ولاتنسوا تقرو الفاتحة على روح زوجتي الطاهره
لان كل سوالفي عنها كان مزاح وهرج ومسخره
أخاف تالي تجيني في الليل وأنا نايم وتذبحني وتسويني دجاجة محمره
وهذه قصيدتي كتبتها لكم بروحي الطاهره
ملتمسه من الله يغير بها حال أقوام برره
وكل اللي قريتوه وسمعتوه مرتجل بقلم روح شابه اسمها بنت أبيها (انتصار)الطاهره
وسلامتكم ولكل من قرأ ما كتبت لاتنسوا تدعوا لي بقلوبكم الطاهره
الله يوفقني وينجحني واصير ممرضه
اسهر أداويكم انا واطلب من الله لكم لمسه شفه
ويجمعني واياكم عند النبي وآله البرره
ويرزقني واياكم شفاعتهم في الاخره
وآخر كلامي يا سامعين صلوا على النبي محمد وآله الطهره
ما لاح نجم في السماء وغابت شمس وأمطرت علينا الغيوم مطره
حررت يوم الجمعة الخامس والعشرون من شهر جمادى الاولى وليس الآخره
وشلت اسمي الحقيقي اللي وضعته في القصيد وحطيت المستعار هنا
عدل سابقا من قبل بنت أبيها في الإثنين يونيو 02, 2008 6:39 pm عدل 1 مرات