منتديات الوافي الثقافية

منتدى يهتم بكل القضايا والمشاكل التربوية والنفسية والسلوكية والعاطفية


    قصيدة شباب وبنات هالزمن

    شاطر

    المواليه
    وافي مميز
    وافي مميز

    انثى عدد الرسائل : 461
    العمر : 36
    مكان الإقامة : قريه من قرى القطيف
    الوظيفة : حناية
    المزاج : عادي
    الجوائز :
    تاريخ التسجيل : 07/01/2008

    قصيدة شباب وبنات هالزمن

    مُساهمة من طرف المواليه في الجمعة مارس 27, 2009 9:55 am

    [size=24] [center][size=16][size=12]عندي موضوع أجتماعي .. بس أصغوا للأستماعي .. والرعيه دون راعي
    خاتمتها للذهاب ..

    مبتدينا في العباره .. عن زمنا وإنحداره .. وشنهي مفهوم الحضاره
    في نظر بعض الشباب..

    التطور يحسبونه .. في مسار يسلكونه .. أو لباس يلبسونه
    والسلاسل بالرقاب..

    الولد زايد نعومه .. تايه ضيق هدومه .. ما يسرك في علومه
    فوق راسه حط كاب ..

    بالمقاهي بالملاهي .. دوم سارح دوم لاهي .. بارد المنطوق فاهي
    ما يفيدك بالجواب ..

    الأنوثه من صفاته .. ما تعرفه من خواته .. حط حمره في شفاته
    والزقاير له شراب ..

    شارلستن بنطلونه .. والتراجي في أذونه .. ضيع سلمه مع جنونه
    كالحمامه والغراب..

    قلد الغرب اللعين .. بالليونه والرطين .. صار في وضعه هجين
    لا أنتما ولا أنتساب ..

    في سلامه قال هاي .. وأن سألته قال واي .. ولو يروح قال باي
    ما يتحمل شمس آب (( شهر أغسطس ))..

    الخلاعه في لباسه .. زركشه ضيق مقاسه .. قص للموضوات راسه
    ما تدارى عن العياب ..

    للشوراب حالقين .. بالشوراع صايعين .. ماقسين مدوجين
    أمحق أمحق من شباب..

    أما عن وضع الفتاه .. خصرت حيل العباه .. وكثرت صبغ الشفاه
    وتفنن بالحجاب ..

    نوب تجينا سفور .. من نحرها شع نور .. كثرت رش العطور
    وخصرت كل الثياب..

    الكعب بالحيل عالي .. يوم تمشي ما تبالي .. مالها من الناس والي
    ما رحمتنا من العذاب..

    حطت المكياج كله .. والتغنج في محله .. من نظرها زاد غله
    وفتحت للشر باب ..

    تحمل الجوال معها .. للضروره أو دلعها .. زايد دايم ولعها
    للتحدث والخطاب..


    زينها زين صناعي .. تشتريه بدون داعي .. لو يزيد الحر ماعي
    تصبح الزينه خراب..

    وأن تقدم لها عريس .. أشهد أن حظه تعيس .. تحكمه حكم الرئيس
    لا تخاف ولا تهاب..

    تبغى قصر أو عماره .. وهندي رهن الأشاره .. من المهلب لين وراه
    ما تمل من الذهاب..

    وأن طلبها الزج صاحت .. وين ميري وين راحت .. نادت راني وأستراحت
    جيبي زاده والشراب ..

    يا جماعه سامحوني .. جبت وصف باللحوني .. سامحوني وأعذروني
    وكل سائل له جواب..

    النوايا بالصدور .. والسموحه من الحضور .. وأعذروني من القصور
    في نهايات الخطاب..

    [/size]
    [/size][/size]
    [/center]

      الوقت/التاريخ الآن هو الأحد ديسمبر 11, 2016 11:54 am