منتديات الوافي الثقافية

منتدى يهتم بكل القضايا والمشاكل التربوية والنفسية والسلوكية والعاطفية


    المديرة‎

    شاطر

    ام ابيها
    وافي ممتاز
    وافي ممتاز

    انثى عدد الرسائل : 263
    الجوائز :
    تاريخ التسجيل : 20/03/2008

    المديرة‎

    مُساهمة من طرف ام ابيها في السبت أغسطس 02, 2008 5:08 am

    السلام عليكم ورحمة الله وبركاته
    تدور القصة حول مديرة مدرسة عزباء غابت عن المدرسة يومين
    ولما عادت لمدرستها قابلتها المدرسات سلامات وينك
    يامديرة ؟!
    قالت : باركوا لي تزوجت
    قالوا : مبروك يامديرة ولكن منهو زوجك ؟!
    قالت : بصراحة زوجي هو زوج إحداكن !!

    المدرسات
    تكفين علمينا أي وحدة منا ؟!
    قالت المديرة : والله ما أعلمكن

    المهم لزموا عليها
    فقالت : أنا منيب متكلمة اللي تبي تعرف هل هو زوجها وإلا لا
    تجيب بكرا معها خمسمية ريال وإذا جت توقع تحط الخمسمية على الطاولة
    واللي آخذ خمسميتها فهي مهو زوجها واللي أخلي
    خمسميتها على الطاولة ولا آخذها فهو زوجها
    عيب علي أتزوج زوجها وآخذ بعد منها خمسمية ريال
    وافقن المدرسات على الطريقة
    ويوم جاء بكرا وكل وحدة مزهبه معها الدراهم
    جت الأوله والثانية والثالثة والرابعة حتى العاشرة
    والمديرة تاخذ الدراهم
    يوم جت المدرسة الـ 11 وبدت المديرة تأفف .. المهم حطت الدراهم
    على الطاولة وقالت لها
    تكفين خذيها يالمديرة قالت
    المديرة : اعذريني
    قالت المدرسة كأنها قليلة حطيت ألف بدال الخمسمية
    قالت المديرة : أووووووه معليش أنتي جواهر والله إني آسفة غلطت
    يومها تنفست المدرسة وقالت الحمد لله يعني بتاخذين الفلوس

    المهم أخذتها المديرة
    ودخلوا بقية لمدرسات حتى الـ 23 والمديرة تلعب بأعصاب كل وحده
    وفي النهاية تاخذ الخمسمية
    المهم بقي مدرسة وحدة فقط ماجت يوم اتصلوا عليها المدرسات
    هاه وينك ياأستاذه قالت والله أني تعبانه وماني جايه
    قالت المدرسة الغايبة : هاه من صار زوجها اللي متزوج المديرة ؟!
    قالوا لين الحين مابين شي والمديرة عيت تاخذ الفلوس لين نحضر كل المدرسات
    ( يلعبن عليها بس يبونها تجي عشان يتطمنون إنها هي لأنه مابقى إلا هي )
    وقالوا المدرسات لازم تجين تكفين
    المهم جت تسحب رجليها بالقوة ويوم جت تدخل المدرسات
    كل وحده مبسوطة أنها مهي هي
    وصاروا يمهدن للمدرسة الـ 24 عشان ماتنصدم
    دخلت المدرسة الأخيرة غرفة المديرة وحطن باقي المدرسات
    أيديهن على قلوبهن
    وحطت المدرسة الخمسمية على الطاولة وضفتها المديرة
    يوم طلعت لقنها عادية وما صار شي وفلوسها أخذتها المديرة
    قالوا يابنات فيه وحده منكن ماخذت المديرة دراهمها ؟!
    قالوا لا والله كلنا أخذت دراهمنا

    ودخلوا المدرسات على المديرة وقالوا أخذتي الفلوس من كل المدرسات
    تلعبين علينا
    !! منهو زوجك !!
    قالت المديرة المهم الدراهم ( 12000 ريال ) ماراح ترجع
    وأنا والله لا تزوجت ولاشي لين الحين عزوبية ووالله كنت مريضة هاليومين
    ولكني أطلبكن قبل شهر تدفعن على مية ريال نصلح المصلى
    ولا وحدة منكن دفعت .. قلت والله لأدفعكن 500 ريال
    نصلح المصلى ونشتري مصاحف وقف للمسجد

    قالوا المدرسات بردها الله بالعافية فداك الدراهم ولو تبين زود عطيناك
    هو صدق بس رجالنا ماتزوجوا علينا

    عوامية وافتخر
    وافي مميز
    وافي مميز

    انثى عدد الرسائل : 593
    مكان الإقامة : اعماق حزني
    الوظيفة : ممرضة
    المزاج : في عالم الخيال
    تاريخ التسجيل : 15/12/2007

    رد: المديرة‎

    مُساهمة من طرف عوامية وافتخر في الخميس أغسطس 07, 2008 1:08 am

    هههههههههه حلوة والله ام ابيها تسلمي على طرح بانتظار مزيد


    _________________



    قَـبـلَ أن تُـبْــرَأ روحـــي تَــيَّــمَ الــــروحَ عَــلِـــيْ


    قـبــلَ أنْ يُـبْــدَأ خَـلـقــي هِـمْــتُ عِـشْـقَـاً بِـعَـلِــيْ


    قـبـلَ أن تُـبْـدَى سِنـيـنـي بِـعــتُ عـمــري لِـعَـلِــيْ
    يــــــــــــاموالين لاتنسوني من خالص دعائكــــــــــم

    ام ابيها
    وافي ممتاز
    وافي ممتاز

    انثى عدد الرسائل : 263
    الجوائز :
    تاريخ التسجيل : 20/03/2008

    رد: المديرة‎

    مُساهمة من طرف ام ابيها في الخميس أغسطس 07, 2008 10:47 am

    تسلم اناملك للمرور والتعليق

      الوقت/التاريخ الآن هو الجمعة ديسمبر 02, 2016 9:52 pm